الللهم حببنا فى كل عمل يقربنا اليك
 
الرئيسيةالبوابةس .و .جبحـثالأعضاءالمجموعاتالتسجيلدخول

شاطر | 
 

 اسئله رخمه جداااااااااااا

اذهب الى الأسفل 
كاتب الموضوعرسالة
agmal e7sas

avatar

عدد الرسائل : 51
تاريخ التسجيل : 21/05/2008

مُساهمةموضوع: اسئله رخمه جداااااااااااا   السبت مايو 24, 2008 6:46 pm

الاسئله دى رخمه اوووووى ودايماً بنسمعها يمكن يومياً ولما بنسمعها بنتخنق من اللى بيقولها والكارثه بأه انها ممكن تييجى من اقرب الناس لينا
والاسئله دى بنتعرض ليها كل يوم من كل الناس ومنها مثلاً:
_ أنت فى اوضتك .. على السرير وطافى النور ومتغطى وييجى اخوك الظريف ويفتح الباب عليك وينور النور ويقول : ايه ده انت هتنام ولا ايه
*** ترد عليه تقوله ايه بأه ؟؟ اظن ان ده مش وضع للخروج !!!واضح ان أنا هنام
أنتم مثلا معزومين عند ناس وروحتوا لبيتهم وأول ما فتحولكوا الباب لقيتوا واحد منهم يقولكوا:
أنتوا جيتوااااااااا؟؟
***تردوا عليه تقولوا ايه ده كمان افضل رد تقولوا لأ لسه مجناش !!!
والعكس :أنت لابس هدومك ومتأنتك وعلى سنجه عشره وريحه البارفان واصله لأخر الشارع .. وخلاص بتفتح باب الشقه ييجى حد من أهلك وينادى بصوت عالى :
أنت خاااارج ولا ايييييه ؟؟
***تقوله لأ دنا لسه راجع !!
أو مثلاً راكب العربيه ودورتها وخلاص هتطلع .. يجيلك البواب ويخبطلك على الزجاج ,, وأنت بكل ذوق تفتح الزجاج وتقوله؟؟ خير فى حاجه ؟؟
يقولك:أنت رايح الشغل يا بييه؟
***لأ .. العربيه بس واحشانى أو هاخد بيها لفه على الصبح اصل انا كنت بحلم بيها !!
مثلاً ماسك الموبايل او سماعة التليفون وقاعد تضغط الارقام ييجى حد من اهلك ويقولك :
أنت هتتكلم فى التليفون ؟؟
***لأ انا بتفرج عليه !!
مثلاً :ماسك مذكره أو كتاب وقاعد تحفظ ومتحمس أول مره بقى ... جه حد وقالك : هااه انت قاعد تذاكر ؟؟؟
***تقوم رامى الكتاب وتقوله لأااااااء !!!
ربنا هاديك كده ... ماسك سبحه وعمال تسبح ,وييجى حد من البيت يعدى عليك ويقول:
هو انت بتسبح؟؟؟
***لأ ....انا هفرطها واسلفها لواحد صاحبى !!!
ولأ تعالوا بأه شوفوا قنوات التليفزيون أو الدش ومثلاً قاعدين بنتفرج على برنامج اهداءات ..
يتصل واحد يطلب أغنيه ترد عليه ست الكتكوته المذيعه بكل خفه :اٍنت بتحب الاغنيه دى ولا اٍيه؟؟
***يرد عليها يقول ايه بأه اومال طالبها ليه يا بارده ههههههه طالبها أخنق على نفسى بيها !!!

أومثلاً فى العيد المذيعه ترد على واحد وتقول :وياترى هتعملوا ايه فى العيد ده هتقضوه ازاى ؟وتلاقيها تجاوب على نفسها وتقولك أكيد بيبقى زيارات الاهل والاصحاب وتخرجوا تشوفوا مظاهر العيد فى الشوارع وتفسحوا اولادكم ونتصل بالمعارف نعيد عليهم ونقولهم كل سنه وانتوا طيبيين ...
***سبتيله ايه بقى يقوله ؟؟!!
والاسخف من كده بأه ...يعنى الشلل الكبير لما المذيعيين يكلموا الاطفال يقول
المذيع للطفل :أنت بتحب ماما وبابا ؟؟
***يعنى أساسى الواد لسه ما طلعلوش عرق النداله علشان يقول لأ أو طلع ملقاش غير مامته وأبوه ملقاش حد يتضايق منه لسه عايزاه يقول ايه
وما زالت الاسئله الرخمه مستمره
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
mony

avatar

عدد الرسائل : 30
تاريخ التسجيل : 25/05/2008

مُساهمةموضوع: رد: اسئله رخمه جداااااااااااا   الخميس مايو 29, 2008 11:39 am

يبقى انت اكيد اكيد ف مصر
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
اسئله رخمه جداااااااااااا
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات غلبااااااااااااااااااوى :: المنتدي العام :: منتدي الحوار العام-
انتقل الى: